Збівалі шапкі з белай воўны,
Магеркай шапку называлі.
Надзетка – быў убор галоўны,
На свята толькі надзявалі.
Магерка ў форме капялюша,
З загнутымі ўверх краямі,
Прыгожая – сагрэе душу,
З двума шырокімі брылямі.
Паходзіць, пэўна, ад «вянгеркі»,
Заноснае названне гэта.
Але насіліся магеркі
Зімой, вясной і нават летам.
Увосень ладзілі магеркі,
Бо воўны назбіралі многа.
Збівалі воўну добрай меркай,
Надзеткі людзям у дарогу.
Раней жа кучмай шапку звалі,
З часоў далёкіх назва гэта.
Кучомка – воўну так збівалі,
Бо лямчыць* воўну – добра мэта.
Заўвага:
*Лямчыць – «валять», войлак на беларускай
мове будзе лямец.
Кучма - магерка
© Copyright: Татьяна Цыркунова, 2022
Свидетельство о публикации №122101301727
Свидетельство о публикации №122101301727
Рецензии