***
За Ціханкову хату звернеш,
Праз жыта спелае бягом…
Дзяцінства чаплінскага вершы
Даўно ўжо выпіты набгом!
За жытам сто бяроз, не болей.
А ты малы яшчэ зусім.
Дзяцінства адгукнецца болем
Шчымлівай радасці ва ўсім
Тваім, ужо здранцвелым целе.
Ты з кошыкам, што бацька сплёў.
І над табой тады ляцелі
З балота гусі, і кароў
Ля бора пасвіў дзядзька Якаў.
Ты сыраежкі ў кошык браў.
А часам нават горка плакаў,
Як белы грыб не адшукаў.
За Ціханкову хату звернеш,
Праз жыта спелае ідзеш.
Мне засталося толькі ў вершах
Ды ў сне дзяцінства, што завеш.
12. 10. 2022 г.
За Цiханкову хату звернеш...
© Copyright: Юрий Боровицкий, 2022
Свидетельство о публикации №122101200938
Свидетельство о публикации №122101200938
Рецензии