Шукур Аллагь, ширин рахаз
Дуьньядиз гатфар атана,
Билбил хьтин къугъваз-къугъваз,
Вилик бахтавар атана.
Первердигар, зи гьал аку,
Ви гьайбатлу т1вар я ширин.
На дигмишай марал аку,
Заз а бахтавар я ширин.
И дуьньядин виринра на
Экуьнин ярар куьк1уьрна.
Са кесибдин деринра на
Ашкъидин ц1аяр куьк1уьрна.
Дагъларавай маралдикай
Сефилвилиз дарман жеди.
Хабар хьана зи гьалдикай,
Вуж зи рик1из лукьман жеди.
Гуьзел ашкъи бахтавар я,
Бахтарикай пай хьайидаз.
Гьайиф, вири тапарар я,
Бахтсузбурун тай хьайидаз.
Заз а бахтавар я ширин. 54
© Copyright: Магомед Мирзоев Мирзой, 2022
Свидетельство о публикации №122101105528
Свидетельство о публикации №122101105528
Рецензии