Яр хьана заз чими рагъ хьтин,
Гатун цавун экуь тагъ хьтин,
Гьар са емиш авай багъ хьтин,
Истамбулдин михьи агъ хьтин.
Йисан вахтар ийиз муьт1уьгъ,
Вац1ал гатуз мурк1адин муьгъ,
Йикъакай на ийизва йиф,
Гьинва вун бес. зи лацу лиф?
Гуьгьуьлдик ква айгьамни хъвер,
Ви суварик тагай эвер,
Рик1 ханвайла, къведач зун къе,
Дуьнья тергна, гьатда рекье.
Ашукьарна зун вал иблисди,
Хъуьрезва зал, кудна межлис.
Ят1ан, умуд ама рик1е-
Белки гьатин бахтун рекье.
За гъетервай кьада хабар,
Къужахдани кьада зи яр.
Гуда темен ал п1узарриз,
Дуст-душмандиз са хабарриз.
Яр хьана заз
© Copyright: Нажмудин Шихнабиев 2, 2022
Свидетельство о публикации №122100900352
Свидетельство о публикации №122100900352
Рецензии
