(Калыханка)
Спіць Галінка, Нінка, Ала,
А звярку не спіцца –
У куратнік прыблукала
Рыжая лісіца.
Пазбірала ў кошык яйкі,
Курачку схапіла,
Як хапала кураняткі –
Пеўня разбудзіла.
Мужны пеўнік не спужаўся,
Учыніў расправу,
Крыллем біўся ды кляваўся
Моцна і рухава.
Жучка верная не спала –
Прыляцела куляй,
Ліску злую ў лес прагнала,
Адабрала курак.
За акном гуляе ночка –
Птушкі ўсе паснулі.
Закрывай, сыночак, вочкі,
Люлі, люлі, люлі.
За акном гуляе ночка
© Copyright: Валентина Кульбеда -Бакунн, 2022
Свидетельство о публикации №122100807179
Свидетельство о публикации №122100807179
Рецензии