Матулечка любая, з сэрцайкам шчодрым,
Уцеха і радасць мая,
Душу ты лагодай сагрэеш заўсёды,
Як люба мне ласка твая!
Вяла па жыцці нас дарогай дастойнай –
На моцныя крылы ўзняла.
І хоць мы сцяжынай ідзём самастойнай,
Парада бясцэнна твая.
Жыццёвых турботаў заўсёды нямала,
Зайду на хвілінку-часок,
Бо знаю – сядзіш ля акна і трывала
Чакаеш мяне штодзянёк.
З любоўю ступаю на родны парожак –
Сустрэнеш са шчырай душой.
Зноў стану дачушкай тваёю прыгожай,
Крывінкай тваёй дарагой.
І я да цябе прыгарнуся з пяшчотай,
Запал жыватворны ты мой!
Старанна хаваеш ты сум адзіноты,
Змахнуўшы слязінку рукой.
Матулька, прашу, не сумуй, дарагая,
Прыйду да цябе хутка зноў.
Хай Бог цябе ласкай сваёй зберагае,
Падорыць жыццё ў сто гадоў.
Матулечка любая
© Copyright: Валентина Кульбеда -Бакунн, 2022
Свидетельство о публикации №122100805031
Свидетельство о публикации №122100805031
Рецензии