Мирожской Богородице

Тропарь:

Яко ж звезда пресветлая возсия в Русстей земли от иконы да образа честнаго Твоего, Богородице Дево, из обою очию текущи слезы Твоя, яко река, и видев народи псковскии, мужи и жены и с деты, с плачем молящеся Твоему образу, сице глаголющи: Пресвятая Властительница Богородице, не забуди грешных раб Твоих, молящися Христу Богу же нашему спастися нам.

Кондак:

Заступнице христианам непостыдная и Предстательнице городу нашему Пскову, не презри моления нас грешных, видящих от Твоего честнаго образа и текущие слезы из обою очию, молящихся и прилежно, но и предвари, якож Благая, на помощь нам, притекающим к Те верно, услыши молении же наша, о, Богородице, и избавь нас от нахождения поганых, ускори же на молитву нашу и потщися на умоление, заступающи присно, Богородице, Тя чтущих: ликовствуй, Дева, и христианам похвало.

Величание

Величаем Тя, Отроковице Дево Богъизбранная Пресвятая, и чтим образ Твой святый, им же исцеления точишь всем, с верою притекающим.