Пуд жавабдал вил алаз руш зурзазва,
Са-сад ашукь жавабар гуз рахазва.
Гьинай-гьанай сад-кьвед ава дуьз хьайи,
Садни хьанач са пуд жаваб гуз хьайи.
Ачух жезва рушан к1алуб марвар хьиз,
Кефи гьални акваз-акваз къумбар хьиз.
Билбил хьтин чартмадай азад хьана,
Селми ала айвандал лап шад хьана.
Куькай ят1а фикир-фагьум гуьзелдин,
Садавайни лугьуз жени, ц1игелни.
Экъуьч1дайбур садни амач майдандиз:
Кьулухъай сес акъатна са мугьмандин.
Халкь элкъвена гьа патахъди килигна,
Са кас къвезва чунгур хурал эцигна.
Гелер алай чинал ц1ар-ц1ар хирерин,
Пашманвиляй нур авачир вилерихъ.
Кьил кт1унна жунадивди чалма хьиз,
Вич аквадай шут1кьвенавай хурма хьиз.
Ширин-ширин нагъмадивди ац1уриз
Мугьман къвезва,халкьни яваш зурзуриз.
Са кас къвезва чунгур хурал эцигна 47
© Copyright: Магомед Мирзоев Мирзой, 2022
Свидетельство о публикации №122092704926
Свидетельство о публикации №122092704926
Рецензии