Атана мад лугьузва ик1 кьегьалди:
-Гьазур я зун жаваб гуз ви суалдиз.
Иес я зун гафунин: ви мураддиз
Разивализ гьазур я зун къе мадни.
-Жаваб гуз тахьайт1а жуван абур хуьх,
Эхирмижи сефер хьурай, хатур хуьх.
Пакад юкъуз экъеч1а вун майдандиз,-
Ик1 лагьана руша атай мугьмандиз
Секиндаказ элхкъвена хьиз хъфена.
Гада шад я- крар вири туьк1вена.
Акьулдикай хийир тахьай инсандиз
Гьакь аквадач, фикир гудач юргъандиз
Къариб, усал фикиррин ам тай жеда,
Инсанвилин къилихар кьве пай жеда.
Гагь садбурун дуст жеда ам чахъал хьиз,
Герексузнал къалуриз вич кьегьал хьиз.
Кьве хам алай амалдаррихъ хъен жеда,
Вич гьахъ ийиз мецелни буьгьтен жеда.
Са гаф лугьуз, кьве гаф кьулах чин ийиз,
Ч1алан кьилиз тариф ийиз, кьин ийиз.
Кьат1ун тахьай бенде бегьем барбат1 я-
Лекь я лугьуз, гьакъикъатда бат1бат1 я.
Вахт я къази: къимет гуда виридаз,
Гьайиф и кар, кьат1узвач са делида.
Кьат1ун тахьай бенде бегьем барбат1 я 44-1
© Copyright: Магомед Мирзоев Мирзой, 2022
Свидетельство о публикации №122092506026
Свидетельство о публикации №122092506026
Рецензии