Ракъини вил ахъайнавач, дагълара
Садбур ама гьеле ширин ахвара.
Хурарилай вегьенвай личек хьтин,
Циф аквазва илис хьана пек хьтин.
Мукъаят яз, ничхирдикай таъсирдай,
Ч1урун ц1егьер са-сад физва жигъирдай
Ц1иргъинаваз, к1амавай са булахдал,
Экъеч1зава йифен серин къужахдай.
Вилер т1ушаз, аватнавай ахварай
Гуьрчехъанди, чуьнуьх хьана валара,
Лишан кьуна хьеленивди, далудлай
Яна са ц1егь жигъирдилай алудна.
Хьел галукьай, дили хьана ничхирди
Са шумудра хкадарна, эхирни,
Татабар гуз фейи ч1авуз виликди,
Аватна ам рагарилай к1аникди.
Акъатна мад вичяй язух эверар,
Чувал хьтин алукьна ам шимерал,
Шимерайт1уз авахьна ам ч1утхвардиз,
Элкъвез-элкъвез ахпа к1ани дагьардиз.
Мумин гъуьрчехъан Алидив гахкьуна 43
© Copyright: Магомед Мирзоев Мирзой, 2022
Свидетельство о публикации №122092504789
Свидетельство о публикации №122092504789
Рецензии