* 5 *
Ачухна фад килигна са дафтардиз,
Ик1 лагьана фекьиди чи уст1ардиз:
"Са негьякьди ви к1валахрал пехил я,
Вал алайди а касдин агьни вил я.
Гум галачиз ялавди чим гайид туш,
Гум галачир я ц1аярни хьайид туш.
Гум акурлай гурмагъдай, фикир къведа,
Карханада ц1ай авайди чир жеда.
Микьи чавуз гум акъатун хъсан я,
Амма а гум ви к1валахниз душман я.
Вун ви кардив эгеч1айла мурдардиз
Хабар жезва, ацукьнавай дак1ардив.
Пехилвиляй, эх тахьана зегьерар
Къене авай, кьилел къведа вилерай.
Уст1ардикай кьиса 42
© Copyright: Магомед Мирзоев Мирзой, 2022
Свидетельство о публикации №122092007218
Свидетельство о публикации №122092007218
Рецензии