* 4 *
Са кьадар вахт алатна мад, секиндиз
К1валахзавай уст1арди, архайиндиз.
Иеси я гьар сад вичин крарин,
Жизвиданни жаваб кьада гъуцари.
Зул акъатна, кьуьд атана пехъи тир,
Карханада к1валахнариз мекьи тир.
Ц1аяр хъийиз, чимивал тваз эгеч1ай,
Татабар гуз уста къацих эхкъеч1на.
Са югъ, кьве югъ, варзни гьа ик1 алатна,
К1валах тежез, аман квахьна, галатна.
Эхир адан крар вири ч1ур хьана:
Патав гвай са хуьруьз фин мажбур хьана.
Ан авай кас вирибуруз герек тир,
Гъамлубуруз пара зурба куьмек тир.
Уст1ардикай кьиса 42
© Copyright: Магомед Мирзоев Мирзой, 2022
Свидетельство о публикации №122092006343
Свидетельство о публикации №122092006343
Рецензии