* 3 *
Садра гъиле гьатна ам са алчахдин ,
Алчахдини фикир гуда бап1ахдиз.
Бап1ахдин к1аник хьайит1а япалух,
Кеф жеда хьи, гакьур кьвадар далдалух.
Инхъа-анхъа итимвилиз к1ур гана,
Ширин лек1вез, бегьем са куркур хьана
Муьт1уьгъарда. Хъсанвилер пуч жеда,
Фитнедикай адан кьилел к1унч1 жеда.
Писни-хъсан какахь жеда сад садак,
Хийирдални вичин жеда ийиз шак.
Я заз тахьуй, я ваз тахьуй шарт1 жеда,
Гьуьрметарни авур кьван тармар жеда.
Ихьтинбуруз лугьуда - ам дили я,
Къуьнел вичин алайди лап хали я.
Гьа ихьтин са хали гьалтнай уст1ардал,
Кас хьаначир лугьудай, я хабардай.
Вуч лугьуда- дуьнья я им Халикьдин,
Эхир къведа зиндикьдинни, фасикьдин.
Мух пара т1уьр ламра яда к1урарив,
Япар куьрсна буш келледин, румариз.
Шандакьзава юлдашди гил уст1ардин,
Эгеч1замач намусвилелди кардив.
Уст1ардини вичихъай ам гахлудна,
Чара хьанач, к1валерайни ахкъудна.
Уст1ардикай кьиса 42
© Copyright: Магомед Мирзоев Мирзой, 2022
Свидетельство о публикации №122092006238
Свидетельство о публикации №122092006238
Рецензии