Устардикай кьиса 42

       * 2 *
       

Ик1 хьайит1а, мадни бул гафар ава,
Са хуьрени хъсан са уст1ар авай.

Хуьруьн к1ане авай адан кархана,
Хуьруьнбуру лугьудай уст1архана.

Гьевесдивди ийидай кар, бирмишай,
Ваъ тийижиз к1валахзавай гьамиша.

Нагьакьан гаф къачун тийиз чарадан,
Тариф авай хуьруьнбурун арада.

Са сеферда фейила ам мугьмандиз,
Рекьел са кас ацукьнавай пашмандиз.

Инкъа-анкъа ихтилатар кватна,
Рекьеллайда уст1ардиз шикаятна.

Вичивай са зарар хьана лагьана,
Хатадай са алчах инсан гатана.

Гила хуьряй экъеч1униз мажбур тир,
Хуьруьнбурун туьгьметар лап агъур тир.

Уст1ар адаз язухариз килигна,
Гужлу капач къуьнел адан эцигна.

Лагьана хьи:"За квез куьмек ийида,
Исятда чун вири хуьруьз хъфида".

Шалта-шулта к1ват1на рекьиз экъеч1на,
Хтанмазди, к1валахдив ам эгеч1на.

К1валахир сад уст1ардизни герек тир,
Жегьил итим адаз хъсан куьмек тир.

Вахтар фена, мугьман авай  к1валахиз,
Гаь вичелни ашукь хьана, дамахиз.