* 1 *
Ахмакь жемир ахмакьбурун кьил кьуна,
Гунагьдихъ къекъвемир гъиле-гъил кьуна,
Усалдикай жуваз агъур пар мийир,
Пак цаварин айиб алай кар мийир.
Гьакъикъатдин иеси я гайиди,
Са шукур я чавай адаз жериди.
Жазадикай чарадаз вун яргъа хьухь,
Жуваз гайи гьалалдин вун агъа хьухь.
Ахмакьдалай гъил къачу: нефс ич1и я,
Намусни гьар са кардин халис улчи я.
Кьисас къахчуз вун Худадин къунши туш,
Ялвардин ван текъвез Аллагь пиши туш.
Жазадикай хабар туш ваз Халикьдин,
Адаз чизва, вун элкъвемир фасикьдиз.
Иеси я гьар сад вичин гунагьдин,
Ваз к1ан жемир виликай физ Аллагьдин.
Аламатар дуьньядин мад гзаф я,
Абрукайни сад, лагьайт1а, инсаф я.
Цвецрекайни деве ийиз к1ан жемир,
Я буйдалди жуван вун гьейран жемир.
Инал-анал жуван мурад гьакь ийиз,
Ваз герек яни къекъуьн шандакь ийиз.
Уст1ардикай кьиса 42
© Copyright: Магомед Мирзоев Мирзой, 2022
Свидетельство о публикации №122091905832
Свидетельство о публикации №122091905832
Рецензии