Нохчийн сийлахь зудчун де.
Къагалахь, сирла малх, хьо стигла балий,
З1аьнаршца хьасталахь дилхина дог,
Хьакъ долу нана йу, ларам бан - алий,
Ирсан некъ гайталахь, цо буьллуш ког.
Хийла дог дагийна б1аьрза и лийли,
Халонаш иэшайан х1итти и д1а,
Махкана орцаха хийлаза йийли,
Ца кхоош кийрара шен мерза са.
Йахалахь дуьненна хазалла гайта,
Сан Нана, сан Йиша, сан Нохчийн йо1!
Дахарехь, кхин цкъа а бала ца лайта,
Мохк ларбан велла ахь турпала во1!
18. 09. 22ш. / Джабраилова / -Абубакарова Раиса.
Нохчийн сийлахь зудчун де
© Copyright: Раиса Абубакарова, 2022
Свидетельство о публикации №122091806450
Свидетельство о публикации №122091806450
Рецензии