Гьар келима ст1ал-ст1ал чандикай
Хкатзава сузадивди, дерт хьана.
Къайгъусуз рик1 авай эрзимандикай
Заз акурди тек са гъам-хифет хьана.
Шак хьайи рик1 шумунал за пай ийин,
Гьик1 хабарин зи ярдиз и т1алдикай.
Дагъларава сузадив гьарай ийиз,
Садни жедач хабар жедай гьалдикай.
Сиягьатчи хьанва зун и чилерал,
Ачух дуьнья дар хьана заз, азизда.
Накъвар физва селлер хьана вилерай,
Ашкъидикай гъам хьана заз, азизда.
Бес ни ганай к1анидаз и гуьзелвал,
Сефилиз рик1-регьим гьинва гайидан.
Ярдин гелер акунихъди ц1игел я,
За яд хъвайи гъилер гьинва к1анидан.
Зун лекь хьтин аватнавай цаварай,
Сада кьванни гецизнач: "Вуч сефил я?"
Чукьни тийиз элкъвезвай варз дагъларал,
Аквар гьалда, амни адан векил я.
Минет я шагьвар, элкъвезвай хурарал,
Умуд хамир зи, к1ант1а лап язухдай.
Акъудзава йифер серин суварал
Гьисерикай шкъидикай алачухна.
Зун кард хьана хкадардай цаварал 37
© Copyright: Магомед Мирзоев Мирзой, 2022
Свидетельство о публикации №122091707616
Свидетельство о публикации №122091707616
Рецензии