Мумин ава фагьум-фикир пар хьана,
Рахазвайди адав чими гар хьана.
Куш-куш ийиз кьуд патара атир гваз:
Хабар кьазва Мумина:- Вуч хийир ква,
Суалдизни жавабар гуз чир тахьай,
Я вахъ галаз ийидай са сир тахьай.
Галат тийиз, ирид ч1урал элкъвена
Хтанва вун, зи патав гва, гелкъвена.
Са жизви кьван, алакьайт1а, хабар гваш,
Ярдин нефес какадарна шагьвар гваш.
Назик куш-куш зи япарихъ, дава хьиз,
Къвез галукьуй ширин атир, гьава хьиз.
Са ишара къалура, ваз минет я,
Шумуд варз я, рик1евайд гъам-хифет я.
Ярдин вилер шад яни, пашман яни?
Фикир ийиз закай, перишан яни?
Я тахьайт1а амачни зат1 вилера?
Фагъир аял! На хьайит1ан туьмера.
Секкин ая- хажалатар пар хьана,
Геле ава месни к1вал сувар хьана.
Рик1из к1ан я; пеш хьана са чинардин,
Фена алк1из к1ани ярдин п1узардал.
Хуш атирар гвай нефес эрзиман я,
Секин тушир рик1изни ам дарман я.
Мумина шагьвардиз минетзава 36
© Copyright: Магомед Мирзоев Мирзой, 2022
Свидетельство о публикации №122091707429
Свидетельство о публикации №122091707429
Рецензии