***
Аранжавая поўня зноў над лесам,
Як разамлелы спелы апельсін.
Я поўню тую для цябе павесіў
Сярод бяроз, і елак, і асін.
Хачу, каб твае вочы так гарэлі,
Як сёння поўня яркая гарыць.
Хачу, каб мы з табой яшчэ паспелі
Навекі і да болю палюбіць.
Хачу, каб поўняй поўніліся ночы,
Калі цябе я буду цалаваць.
Хачу, каб твае стомленыя вочы
Маёй душы жадалі праспяваць
Пра поўню, што вісіць над садам сёння,
Пра тое, што табе я не змяніў.
І ты ўсміхнешся ласкава спрасоння,
Бо ведаеш, за што я палюбіў.
11 верасня 2022 г.
Аранжавая поуня зноу над лесам...
© Copyright: Юрий Боровицкий, 2022
Свидетельство о публикации №122091102685
Свидетельство о публикации №122091102685
Рецензии