Вун себеб яз зун чуьллера гьатнава,
На зи рикlел хер авуна лезги руш.
Зи умудар на мукlратlдал кьатlнава,
Кlанивални негь авуна , лезги руш.
Вучиз вуна заз эвелдай ганай гаф?
Рикlе маса яр авайди лагьанач.
Я регъуьвал хьанач вахъ ,я кlус инсаф,
Зун къван тушиз инсан тирди кьатlанач..
Залум дерт я икl муьгьуьббат маса гун ,
Инсанвилин намус гьинва лезги руш?
За кьабулдач цавай чилел аватун,
Кlани рикl заз душман хьанва ,лезги руш.
Ишигъ гайи вацра гуда шагьидвал,
Гъетерини кьада зи пад , лезги руш.
Тадач занни жуван руьгьда ажузвал,
Къалурмир заз гьич ви суй мад ,лезги руш.
Маса гайи муьгьуьббат
© Copyright: Фатимат Османова, 2022
Свидетельство о публикации №122082802946
Свидетельство о публикации №122082802946
Рецензии