Йисабзава квел вил алаз за йикъар,
Мус къведа гад акъат хьана и гатфар.
Куь вилерай акваз ракъинин нурар,
Гуьзетзава за куьн ширин балаяр.
Вуч лугьуда яргъа хьана чун-чавай,
Атlуз жедач рикlин гъалар рикlивай,
Тlалаб ийиз куьн гайи халикьдивай ,
Гуьзетзава за куьн ширин балаяр.
Гьина хьайтlан куьн захъ гала гьамиша,
Рикlин къене чка гана, багъишна,
Ялгъуз тамир , куьне диде, саймиша,
Гуьзетзава за куьн ширин балаяр.
Сад Аллагьди хуьй, гьадал хьуй аманат,
Хизанарни галаз сагъдиз , саламат,
Чир хьухь квез зи рикlин хиял гьакъикъат,
Гуьзетзава за куьн ширин балаяр!
Гуьзетзава за куьн ширин балаяр
© Copyright: Фатимат Османова, 2022
Свидетельство о публикации №122082502687
Свидетельство о публикации №122082502687
Рецензии