***
Хочацца выдыхнуць боль,
Каб ачуняла цела:
Думкі не ціснула столь,
Мара ў нябёсы ляцела.
Хочацца верыць і жыць,
Слухаць дыханне Радзімы.
Сёння аб тым не кажы ---
Час ненавідзіць праўдзівых.
Лёс свой хачу паяднаць
З мараю светлаю, чыстай.
Маці-Айчына адна --
Кажа мне: сынку мой, выстай...
Веру, што прыдзе мой дзень --
Знікнуць трывогі і ночы.
Сонца народ павядзе
Шляхам Купалы прарочым.
Люд, што з надзеяю жыў,
Думцы не здрадзіў ні разу.
Нас не знічтожыць рэжым --
Мы разам!
23.08.2021. Заслаўе
***
© Copyright: Валерий Познякевич, 2022
Свидетельство о публикации №122082305548
Свидетельство о публикации №122082305548
Рецензии