***
Жоўтых лілій ў маім садзе
Арамат.
Ноччу месяц ціха сядзе
На мой сад.
Сядзе месяц на галінку,
Каб спяваць.
Я сарву яму малінку -
Частаваць
Срэбны месячык у глянцы,
Што дрыжыць.
Прынясу вады у шклянцы,
Будзе піць.
Жоўтых лілій ў маім садзе
Пах, як мёд.
Побач ноччу месяц сядзе
На мой год.
Павіншуе з нараджэннем,
А затым
Стане марай і натхненнем
Незямным.
15. 08. 2022 г.
Жоутых лiлiй у маiм садзе...
© Copyright: Юрий Боровицкий, 2022
Свидетельство о публикации №122081500410
Свидетельство о публикации №122081500410
Рецензии