Адчувала жыццё востра:
Шчасце, радасць, адчай, гора...
Адшукала бы свой востраў,
Толькі дома няма мора.
Там адныя крыві лужы,
Што слязьмі саланіў дожджык.
Адчувала сябе дужай
І калола ўсіх, як вожык.
Адчуванням няма веры.
Птушкай моўчкі ў акно б'юся,
Расчыняю душы дзверы
I сумую па Беларусі.
Не змагла апусціць крылы,
Паляцела, куды вочы
Паглядзелі — узяць сілы,
Каб не біцца ў акно моўчкі.
12.08.2022. (S.Kurkova)
Адчуванне
© Copyright: Вершы, 2022
Свидетельство о публикации №122081203629
Свидетельство о публикации №122081203629
Рецензии