Мы зрабілі свой выбар. I гэтага больш не змяніць.
Аб'яднаўшыся, крочым з надзеяй па шляху свабоды.
Нашы светлыя мары пра тое, каб радасна жыць,
Каб народа маўклівага лёс абмінулі нягоды.
Незалежнасць краіны – не словы «Жыве Беларусь»,
Гэта боль, барацьба і пакуты, паўстанне, ахвяры…
Не бяда, што на сэрцах маўчання мінулага груз,
З намі сцяг Перамогі – мы скінем у бездань пачвару.
Нашы шчырыя ўсмешкі з пяшчотай разбураць «забор»
(«Плот» – па-нашаму), рухнуць муры хутка, сёлета – скора.
Заўтра Бацькаўшчына будзе вольнай, бо пахне чабор!
Наша будучыня – гэта мужнасць, пашана і гонар!
09.08.2022
PeraMen
Гатоўнасць верша 110%. Выкарыстана 33 словы з запланаваных 30 (усяго на гульню прынята 62 словы). Астатнія будуць гуляць заўтра. Жадаючыя дапоўніць словы – калі ласка, запрашаю.
Выбух-36. Беларускамоуны
© Copyright: Вершы, 2022
Свидетельство о публикации №122080906562
Свидетельство о публикации №122080906562
Рецензии