Рагъ хъуьрезва ваз экуьнахъ, цававай,
Къачу ви бахт сад Аллагьди ганавай.
Бицlи куьрпе элкъвезва ви къвалалай,
Бахт авани мад зурба тир идалай?
Бахт тушни бес ви суфрадихъ хизан хьун?
Бахт тушни бес жув гьабуруз масан хьун?
Туьмер ийиз хтулризни -,,Иншаллагь",
Лугьузва за,-къурбанд хьуй ваз сад Аллагь!
Бахтлувал я жувахъ хъсан дустар хьун,
Гьуьрметдалди хкажнавай лувар хьун.
Михьи рикl хьун генани я бахтлувал,
И кардизни авач гьич са шаклувал.
Вил хьун хъсан туш чарадал девлетдал,
Гаф эцигун авур хатур-куьмекдал.
Вахтуналди я пуларни, девлетар,
Суваб патал алахъ чlугваз зегьметар
Са дуьади эвезда пул- къизилар,
Гьуьрметдини руьгь ийида кьезилар
Кьабул дустар квез Аллагьди гайи бахт,
Гьайиф чlугваз тамир куьне гайи вахт!
Кьабул куьне квез Аллагьди гайи бахт
© Copyright: Фатимат Османова, 2022
Свидетельство о публикации №122072005157
Свидетельство о публикации №122072005157
Рецензии