Вии да1ви, лик1ур а ч1ир
Лых1 ваара лизад йава.
Гыт1ыла саъ совч1ер а кьир
Лаъ лечевкид - вуруфар а.
Накьус йихы1р гуллуйды хар.
Гъувкур кафна шадды дунья.
Кавхы1р ибрыкь гьац1улды лар.
Гъапкыр гэшды ч1**** бана.
Душман эдем ламыс сугуд
Бейхабаран сых1ыр жа у.
Къура йишир быч1ид къурукъ
Йайдик кине - лысырды укь.
Китфур ч1ирык гъейкьыр ад ц1ай.
Ылер кольч1ур дакъылды рукь
Ипхьур белий уяхды май,
Д1авиер лийшир илсанад рух1.
Гьарса халы йит1гъыр са йигъ,
Бахтид дылан ч1ира гъутх1ар.
Рикий н1ах1од хы1л йишир йиг1.
Сапхьыр ылес хьыв ваад хьар.
Гъийгъа мевеш жефан, дунья,
Югълад хьийре сырбыр гъоший.
Саламатан йаъ, гъуй дугьа
Къичидгъыд выды духрешис.
Гьик1и гъамаб жес йад в1ада,
Хьэйды быч1быр лучудкьурбыр.
Нур къит м1агъухь ушды сыра,
Д1авияла къичидкьыдбыр.
Вии да1ви Идёт война
© Copyright: Ашура Кузиева, 2022
Свидетельство о публикации №122071906545
Свидетельство о публикации №122071906545
Рецензии