***
За акном ужо амаль сцямнела.
Праз акно ліецца арамат
Жоўтых лілій. Неба зашарэла.
Засынае мой зялёны сад.
Кусцік руж суседскі ружавее
І, здаецца, нібы малаком
Ён абліты. Свежы ветрык вее
І ужо цямнее за акном.
Ясна чую, як гавораць дзеці.
Льюцца і звіняць іх галасы.
Як жа добра жыць на гэтым свеце,
Піць бальзам вячэрняе расы.
Недзе брэша сцішана сабака.
Небарака, ён прыстаў за дзень.
Цемра ночы сыпле дробным макам
І брыдзе, як плямісты алень.
Цішыня. Цвыркун ледзь-ледзь спявае
І лятае лілій арамат,
Праз акно у хату залятае.
Засынае мой зялёны сад…
18. 07. 2022 г.
За акном ужо амаль сцямнела...
© Copyright: Юрий Боровицкий, 2022
Свидетельство о публикации №122071806966
Свидетельство о публикации №122071806966
Рецензии