Раніца на Валоках
На сцяне суседскай хаты
Пакідае сонца след.
Апрануліся у шаты
Ружы ў садзе і сусед.
У нядзельныя у шаты
Апрануўся цэлы свет.
На сцяне суседскай хаты
Пакідае сонца след.
І плыве, блішчыць бакамі
Сонца – лебедзь залаты.
Не злавіць яго рукамі,
Як бы ні імкнуўся ты.
І брыдзе, смяецца ранне,
Мочыць ногі у расе.
З раннем ранняе спатканне
Мне удачу прынясе.
У царкву ўжо недзе звоняць.
Лена выгнала кароў.
І Іван кароўку гоніць.
Наступіла ранне зноў.
Працаваць не буду сёння,
Хіба трохі паліваць.
На мяне глядзяць спрасоння
Лес, лугі і сенажаць.
Бабу Ліду цягне Ларык,
Баба з палкаю ідзе.
У суседа брэша Шарык,
І цыбуля – ў лебядзе.
Раздае загады жонка,
Што Раману дзе рабіць.
Зацвілі мае рамонкі,
Дык чаму ж мне тут не жыць
У пасёлку гэтым мілым
Ды з Валокаў не глядзець,
Як нябеснае свяціла
Запрашае песні пець?
17. 07. 2022 г.
Ранiца на Валоках
© Copyright: Юрий Боровицкий, 2022
Свидетельство о публикации №122071705218
Свидетельство о публикации №122071705218
Рецензии
Очень красивая беларуская мова, меткие у Вас фразы. Я кахаю Беларусь! Вы мае сябры!
Лесь Украинец 15.08.2022 05:42 • Заявить о нарушении
Лесь Украинец 15.08.2022 05:42 • Заявить о нарушении
На это произведение написаны 2 рецензии, здесь отображается последняя, остальные - в полном списке.