***
Ой, да ты, каліна
З чырвоным лісточкам.
А дзе ж ты, дзяўчына,
Начавала ночку?
Дзе ж ты начавала,
З кім ты там гуляла?
І якую радасць
Ты сабе прыдбала?
Як ты зараз маці
Паглядзіш у вочы?
Што з табою будзе
Пасля гэтай ночы?
Я ж хадзіла ў поле,
Ў поле жыта жаці.
Там і засталася
Ночку начаваці.
Начавала ночку,
Начавала другу.
Бачыла на волі
Каліну-падругу.
А ў тае каліны
Чырвоны лісточак.
Не судзіце, людзі,
Яе цёмных ночак!
Ой, да ты, каліна
З чырвоным лісточкам.
А дзе ж ты, дзяўчына,
Начавала ночку?
15. 07. 2022 г.
Ой, да ты, калiна...
© Copyright: Юрий Боровицкий, 2022
Свидетельство о публикации №122071507690
Свидетельство о публикации №122071507690
Рецензии