Уьмуьр, гьиниз катзава вун тади кваз?
Мажбур ийиз зунни тваз ви гуьгъуьна,.
Ял акъадра са геренда , вун акъваз.
Алахъмир вун зун галчlуриз гужунал.
Гзаф ама тамам тахьай кlвалахар.
Гъалатlарни туьхкlуьрдай ,це зхтияр.
Уьмуьр валди тир зи вири дамахар,
Мажал гице агакьардай дердияр.
Заз акl тир хьи-вун фидай хьиз явашдиз,
Къалабулух кутадайди фикирнач.
Мягьтел хьанва зун килигна къе яшдиз.
Фейи йисар ,мензилар за кьатlанач.
Гьайиф , фена зи аялвал такуна,
Дидеди зун къекъуьрдай вахт, кьуна гъил
Ахварай кьванни кlанзава акуна,
Тамарзлу я гьа йикъарихъ, гала вил.
Гьайиф-гьайиф къекъвезва рикl дарих яз,
Элкъуьрнайтlа кlандай са йис ,югъ кьванни.
Зун тух жезвач уьмуьр вахъди къаних яз,
Минет хьурай аста алад жув кьванни.
28.06.2022 йис
Минет хьурай аста алад
© Copyright: Фатимат Османова, 2022
Свидетельство о публикации №122062805382
Свидетельство о публикации №122062805382
Рецензии
Каким же талантом надо обладать, чтобы стихотворение было и интересным, и содержательным, и лирическим произведением!!!! Спасибо большое, Фатимат ВАХ ❤️❤️❤️❤️ Восхищаюсь твоим умением и талантом!
Сельмина Курабекова 26.05.2023 18:17 • Заявить о нарушении
Сельмина Курабекова 26.05.2023 18:17 • Заявить о нарушении