Бул дустар кьун адет хьанва, дагълара,
Мел-межлисдиз къведа абур бакара,
Герек туш заз дуст ,вил твадай паквара,
За дустар ваъ ,михьи рикlер кlватlзава.
Рикl ахъайиз гьабрихъ галаз шадзава!
Вафалу тир дустар пис туш ,хъсан я,
Тlуьр фуан къадир чир жедайди ,инсан я,
Дуст кlандач заз жув аквадай залан яз,
За дустар ваъ ,михьи рикlер кlватlзава,
Рикl ахъайиз гьабрихъ галаз шадзава!
Четин чlавуз хабар кьадай рикlикай,
Хъсан я дуст гъил кьадай ви гъиликай,
Чинал хъуьрез маса гудай кlаникай,
За дустар ваъ, михьи рикlер кlватlзава.
Рикl ахъайиз гьабрихъ галаз шадзава!
Зи вил алач садан пулдал, девлетдал,
Дуст герек я рикl ачухдай гьуьрметдал,
Гьалт тавурай чlал тийижир немгетдал,
За дустар ваъ ,михьи рикlер кlватlзава.
Рикl ахъайиз гьабрихъ галаз шадзава!
За дустар ваъ, михьи рикlер кlватlзава
© Copyright: Фатимат Османова, 2022
Свидетельство о публикации №122062402213
Свидетельство о публикации №122062402213
Рецензии