Зун къведай хьи, за вуч ийин?
Сагъламвал за хъсан хъийин.
Кlватl хъижеда. чlалахъ я зун,
Акунмазди къужахда вун.
Чун дустар я, коньяк хьтин,))
Йисарилай хьайи лигим.
Хкведа зун, мад ацукьда,
Михьи рикlер яз амукьда.
Зун дуст я ви, лугьуз къведай -
Зи рикlни ачух лап жедай
Гьайиф, гьим я михьи рикlин
Геж чир хьана, мад вуч ийин...
Аллагьди хуьрай куьн, дустар,
Тахьайбурни саламатрай.
Чун инсанар я гьар жуьре-
Къванер хьайид туш зи гъиле...
Я пехилвал авач рикlе,
Кьисметар Аллагьдин гъиле.
Гьадан регьимдик хьуй вири,
Тахьуй саданни руьгь къуьруь...
Гьар сад квекай заз багьа,
Агалкьунар куь ала я.
Вуж куьн гьина аватlани,
Сагърай, хьурай аваданни.;;;;;;
23.06.22
Гуьльжагьан вахан шиирдиз жаваб
© Copyright: Гасанова Гюзеля, 2022
Свидетельство о публикации №122062303242
Свидетельство о публикации №122062303242
Рецензии