Спыніся, праімперская Расія!
Твой апетыт -- для страўніка атрута.
Ратуй сябе! -- Ты міру не місія --
Увесь твой лёс --забойствы, кроў
і смута.
Краіна непатрэбных рэвалюцый,
І войнаў, што чужое забіралі...
Не стала ты дзяржавай эвалюцый --
Твой апетыт нутро сваё параніў.
Праклятая народамі Еўропы,
У Азіі шукаеш ты падтрымку.
На імідж твой упаў сягоння попыт --
Цябе няма на еўрапейскім рынку.
Ты знішчыла чачэнцаў трыста тысяч,
За прагу волі, за імкненне дыхаць.
Усіх, хто вольным быў і не скарыўся,
Ты давяла да бездані, да ліха.
Прымі сваё: прымі людзей праклёны,
Каму ты лёс жыццёвы паламала.
Маліся Богу: адбівай паклоны
У Храмах тых, што пад замком трымала.
04.05.2022.
***
© Copyright: Валерий Познякевич, 2022
Свидетельство о публикации №122061902636
Свидетельство о публикации №122061902636
Рецензии