Як не страціць дабра сярод злосьці?
Як святла дачакацца ў цямрэчы?
Мір з вайною не ходзяць у госьці,
Бо вайна міру зброяй пярэчыць.
На парозе няма болей лета --
У чаканні цяпла агароды.
Мой паранены ложак -- пад пледам
Пазірае на ўлонне прыроды.
Веру, хутка закончыцца холад,
Зменіць колер панурая поўня.
Выйдзе з пушчы удумлівы волат
І надзея планету агорне.
10.05.2022. Заслаўе
У чаканнi
© Copyright: Валерий Познякевич, 2022
Свидетельство о публикации №122061902544
Свидетельство о публикации №122061902544
Рецензии