Суьгьуьрдин тlал гвайтlа эгер,
Багъишдай за етимриз хъвер.
Пашманвилин есирдавай,
Кlвалерани тадай эквер.
Кьан тийирвал агъуздиз тlвар.
Сад ийидай вири халкьар.
Ислягьдиз хуьз чилни ,цавар,
Лекьре хьиз за кьадай лувар.
Гваз хьанайтlа суьгьуьрдин тlал,
Эцигдай за гьардаз са кlвал.
Начагъбуруз гана сагъвал,
Тlалар гахчуз вегьедай цlал.
Бахтуникай пай авачир.
Рикlер ичlиз гьич тадачир.
Гьуьрмет , хатур тежедай чир,
Инсафсузриз рехъ гудачир.
Авачтlани захъ а къуват,
Гафаралди ийида шад.
Куьмек галаз Аллагьдин Сад,
Кьилиз акъатрай зи мурад!
Суьгьуьрдин тlал гвайтlа эгер
© Copyright: Фатимат Османова, 2022
Свидетельство о публикации №122061606419
Свидетельство о публикации №122061606419
Рецензии