З табою я -- не адзін.
Са мною ты -- не адна.
У вочы мае паглядзі
І выпі свой келіх да дна.
Нас зорны закружыць матыў
У вальсе жыццёвых падзей.
Як добра, што побач ёсьць ты,
Што з ночы сустрэне нас дзень.
Прыпеў:
Каханне, нібыта вясна,
Загойвае раны ў душы.
Табе я тры словы сказаў,
З тобою я ў танцы кружыў.
Бялявы, пялёсткавы снег
З тваёй падружыўся касой.
Каханне прыйшло, нібы ў сне --
Пастукала ў дзверы вясной.
У белым танцы надзей
Два сэрцы вольна плывуць,
Як лебедзі ў чыстай вадзе,
Што думай аб шчасці жывуць.
І дзе б мы з табой не былі --
Той песні ўзгадаем матыў,
Дзе крылы па небе плылі,
Калі зацвіталі сады.
Прыпеў:
Каханне, нібыта вясна,
Загойвае раны ў душы.
Табе я тры словы сказаў,
З табою я ў танцы кружыў.
Бялявы, пялёсткавы снег
З тваёй падружыўся касой.
Каханне прыйшло, нібы ў сне --
Пастукала ў дзверы вясной.
28.05.2022. Заслаўе
Матыу кахання
© Copyright: Валерий Познякевич, 2022
Свидетельство о публикации №122061601628
Свидетельство о публикации №122061601628
Рецензии