Калі ручай загарадзіць зямлёю --
Вада праз край напоўніць берагі
І разальецца праўдаю сваёю,
Якую мы спрадвеку бераглі.
Там будуць хвалі калыхаць надзею,
А вольны вецер -- з чайкамі кружыць.
Я з ручаём тым сэрцам маладзею --
Бог праўду людзям даў, каб з ёю жыць.
Мы да яе ідзём праз дрот калючы,
Цэнзуру думак, перасьлед людзей...
Шукаем сродак для жыцця гаючы,
Каб залячыць Айчыны светлы дзень.
Хлусня з падманам не схаваюць межы
Людскіх грахоў, што бачыць з неба Бог...
Калі мы праўдзе сэрцамі належым --
Мы выберам яе з усіх дарог.
І будзе вольным край і шчырай песьня
З якою будзем па зямлі ісьці.
О, праўды сьцяг! -- раскрыйся і разьвейся,
Каб змог народ адзінствам прарасьці.
01.06.2020. Заслаўе
***
© Copyright: Валерий Познякевич, 2022
Свидетельство о публикации №122061601552
Свидетельство о публикации №122061601552
Рецензии