Дигулра наб гьар даим

Дигулра гьар даим наб
БерхIи шалабикIули.
БерхIи гIелабикибмад,
Ил Бацли барсбирули.

Дигулра наб гьар даим
ВанабикIули БерхIи.
ЦIакьбикIалли буцIардеш,
ДягIли бихаб тяхIурдеш.

Инсунтазиб дигулра
АхIелкIули вайси кьас.
Низамси лас Дунъяла,
Кьас агарли барес барс.

Дигулра наб мурталра
Дуньяла лас низамли.
Лерил замунти дусла
Цали ца дарсдирули.

Дигулра наб гьар даим
Дунъялис зак даршули.
Даршудеш чус дурхъати
Даим имцIабикIули.

Дигулра наб гьар даим
Азадли инсан гьарил.
Азадли хI****тули
Даим иличи хьулли.

Дигулра наб гьар даим
Дагьри дурхъали инсайс.
Дагьрили уббалтути
Саби игъбарагарти.

Дигулра наб гьар даим
Гьариллис хIяя ахъли.
ХIяя дихIес умули
ВебкIес хIядурли гьарил.

Дигулра инсунтани
Хаиндеш хъумкартурли,
Илди хьурадиубси,
Урцахъули тамбихIли.

Дигулра алкIу дурхIни
ХIербирули бегIтани.
Цалра илдазивадли,
Майаб бегIти агарли.

Дигулра наб мурталра
Дурх1ни руркъули бегIта.
Вайси-гIяхIси илдази
Гьарилли иргъахъули.

Дигулра гьар даим наб
БегIти дурхъали дурхIнас.
БухънакабаибхIели,
Илдас къулухъбирули.

Гьар даим наб дигулра
Шадли дурхIни лебилра.
Заклизибси БерхIили
УркIби ванадирули.

Гьар даим наб дигулра
Таличебли лебилра.
Пашмандеш, гьархIебизни
Илдачибад гьарахъли.
(автор: Муртузалиева Аминат
ученица 11 класса
МБОУ "Нововикринская СОШ")