Чи сифте камар ,
Мектебдин варар,
Чаз гайи тарсар,
Хуьда рик/ера!
Бубайрин гьунар,
Дидейрин лувар,
Ч/угур зегьметар,
Хуьда рик/ера!
Илимдин бине,
Ийидач куьгьне,
Чирвал кьаз вине,
Хуьда рик/ера!
Вири чи дустар,
Стхаяр вахар,
Чи шад тир вахтар,
Хуьда рик/ера!
Чи мектебдин т/вар,
Игитдин гьунар,
Баркаллу крар,
Хуьда рик/ера!
Негь авун душман,
Кьун арха жуван,
Чирун пис-хъсан,
Хуьда рик/ера!
Халкьдин адетар,
Камал суьгьбетар
Авур гьуьрметар,
Хуьда рик/ера!
Дуствал вафалуз,
Кьинелди шаксуз,
Тавун кьил агъуз,
Хуьда рик/ера!
Выпускникрин гимн
© Copyright: Фатимат Османова, 2022
Свидетельство о публикации №122060807739
Свидетельство о публикации №122060807739
Рецензии