Хвена кlанда чи бубайрин адетар

Цавун тагъда жергедавай булутар,
Маргъалар хьиз кlватl хьанавай живедин.
Ракъин канвай   чуьллер  хьанвай алугар,
Тамарзлу  тир  са стlал цихъ марфадин!

Суьгьуьрдавай  на лугьуда, цаварни,
Булутарни, гагь кlватl жез гагь чкlизвай,
Къушарини куьрсарнавай луварни,
Ракъин хъиляй  ифей мурз
 хьиз  кукlуьзвай.


Аранда гад .Тара жагъ- жагъ чуразвай,
Са стlал марф амачни бес цаварал?
Сада -садаз теселли гуз рахазвай,
Рази туштlа сад Аллагь  чи амалрал?

Са меслятлал атанай халкьар эхир,
,,Пешапаяр "- ийидай тир виликдай.
Пакамахъ фад секинарна мал-нехир,
Куьлер,  пешер гъанай адахъ гилигдай.

Адет тирвал гьар са к/вале къекъвенай,
Михьиз хуьрел цlар илитlнай ,элкъвена
Гьар са кlваляй  ятар ягъиз чуьхвенай,
Бембецl хьанвай чи ,,Пешапай "- кьежена..

Лугьуда хьи ибур гьакlан гафар я,
Ягъазва зун , зи  вилерал хьайи кар.
Пуд  лагьай  югъ,, Къурбанд
 гудай сувар я
Акатна сел , кьилел алаз къати гар.

Къвана валлагь, чуьллер ,тамар жервал тух,
Акъваз тийиз са югъни  ,са йиф хьанай.
Гена зиян  гудайвал хьанач артух,
Чили чlугур  марфадикай циф хьанай.

Чи  бубайри  чаз тунавай  адетар,
 Уьмуьрдиз рехъ къалурзавай гелер я.
Хвена кlанда чнанни а девлетар,
Чи тарихар чи несилрин вилер я.