Сады ад цвету пеняцца,
А ледзь павее вецер –
Пурпурная мяцеліца
Закружыць нас у свеце.
Расходзяцца – сыходзяцца,
Як лёс, дарожкі нашы.
Люблю я вас, вандроўніца,
Люблю – як май, Наташа!
Хай лёгкім пухам квецені
Сцяжынкі зацярушаны,
Вялікая Мядзведзіца –
Глядзіць услед узрушана…
Насустрач месяц коціцца,
Здалёку – нібы ветразь,
Хай шчасціць нам, здаровіцца,
Хай будзе лепш, чым летась!
А прыйдзе час – зноў вернецца,
Успеніць вішняў вецце –
Маёвая мяцеліцца,
Наш неспакой у свеце!
Маёвая мяцелiца
© Copyright: Михаил Курило, 2022
Свидетельство о публикации №122060707328
Свидетельство о публикации №122060707328
Рецензии