Сулейман Керимоваз

Бажарагълу  лезгидин хва , уьтквемлу,
Хайи халкьдин руьгьдин къуватни  далу,
Аллагьди гуй ваз сагъ чанни ,рикl шадлу,
АФЕРИН ваз  чи кьегьал хва , Сулейман!
Лезги халкьдин дамах я вун, Сулейман!

Гьикьванбурал авуна на гъил яргъи,
Начагъбурни авуна валлагь дири ,
Ваз рикl тирвал гурай сад тир Аллагьди,
Аферин ваз чи кьегьал хва,  Сулейман!
Лезги халкьдин дамах я вун, Сулейман!

Ви куьмекди  кутуна халкьдик лувар,
Мединадин рекьиз вегьена гурар,
Миллионриз бахш авур Къурбанд сувар
Аферин ваз чи кьегьал хва ,  Сулейман!
Лезги халкьдин дамах я вун , Сулейман!

Вун Шарвили хьанва лезги чилерал,
Ви т/вар ала къе виридан  мецерал ,
Акьалдаррай шумудни сад к/вачерал,
Аферин ваз чи кьегьал хва , Сулейман!
Лезги халкьдин дамах я вун , Сулейман!

Зи цlарари шад авуй ви руьгь,къуват,
Лезгидин хва, хуьз алакьай адалат,
Хизан галаз Аллагьди хуьй , саламат,
АФЕРИН ваз чи кьегьал хва  , Сулейман!
Лезги халкьдин дамах я вун , Сулейман!!!
.
  03.06.2022 йис