Што такое Радзiма?...
Сваё сэрца пытаю.
Гэта поле азiмых,
I буслы па-над краем…
Кураслеп на балотах,
Iзумруды мурогаў.
Ды паросшы чаротам
Бераг рэчкi палогi.
Гэта спеў салаўiны,
Ветру хвалi над гаем.
Сочны пах чарамшыны,
З яе тонкiм дурманам.
Зыркi сонейка промнiк,
Што казыча уранку.
Майго прадзеда помнiк,
I яго вышыванка.
Гэта вочы бабулi,
Што таргуе ля рынку.
Пахi свежай цыбулi,
Як барозды маршчынкi.
Рукi роднай матулi,
Блiн гарачы у печы.
Ды пчалiныя вуллi
На узлеску за рэчкай.
I паветра, i вецер,
Халады i марозы.
Што нашу я у сэрцы -
Мая радасць i слёзы.
Я хачу каб Радзiма
Расквiтнела, як ружа,
Не палохалi зiмы,
Нi сувеi, нi сцюжа.
Што такое радзiма?..
© Copyright: Мария Мучинская, 2022
Свидетельство о публикации №122052204616
Свидетельство о публикации №122052204616
Рецензии