Дурнаяр
(Р. Гамзатован "Журавли" шиирдин перевод)
Са вядейра жеда заз акl, аскерар
Дяведин цlа, кана, ватандиз тахтай,
Дурнаяр я, атlай чилин сенгерар,
Хкаж хьана эвер гузвай чаз цавай.
Припев
А йисарлай абур къенин йикъалди
Цlиргъинаваз эвер гузва инсанриз.
Белки и кар себеб яз чун яргъалди,
Килигзава вили цавуз пашмандиз.
Лув гуз и цlиргъ нянихъ пара галатна,
Акахьзава цифедик, югъ жез чара.
Заз аквазва, а цlиргъина са ара-
Яраб ятlа тунвайди ам заз чка.
А цlиргъина аваз, зи вахт хьайила,
Лув гуда за хайи чилин винелай.
Цавун аршдай за квез эвер гайила,
Ам салам я квез, зи дустар, чилеллай.
Перевод: Гюзеля@ (Гюзеля Гасанова)
Дурнаяр Р. Гамзатован Журавли шиирдин перевод
© Copyright: Гасанова Гюзеля, 2022
Свидетельство о публикации №122051403101
Свидетельство о публикации №122051403101
Рецензии