Нэхъ щIэх нэсынущ

              Б.В. деж
Дызыхуилъау зэгуэр щытами,
КъырикIуатэкъым бэлыхь - лажьэ,
Дэ тIум къуаншау щытар дэрами,
Дыхуэхейякъымэ - дэчых.

Нобэ, ди ныбжьыр хэкIуэтауэ,
НэхъыфIщ ар ди гу къэдмыгъэкIыжым,
Дунейм си благъэ ехыжауэ,
ЩыгъуакIуэ укъэкIуау - утетщ
       шхэфэгум.

Деурыр ищIым ефэндым,
Дэ псори кхъэм дыкIуэнущ,
Къыслъосри кхъаблэм сыщIэтын, -
Абы сыщIэувэнущ сэ гу къабзэу.

БощIэж Советхэр щыщыIам,
Сэ ткIийу сыпэрытащ IэнатIэм,
А зэманым жэгъугъу сэ къысхуэ -
       хъуахэм,
Уэ, уахэтакъымэ бэяну.

ЗыгуэркIэ, къызэбгъатэм у гу,
Нобэ ди лъахэм укъихьэнтэкъым,
СощIэр, защIыфу куэдым - дэгу,
Я ныбжьэгъум, гузавыэгъуэ
       къыщылъэIэсым.

Сатыру жэнэзым дыувым,
ЖэнэткIэ лIам дыхуэлъэIуэнущ,
Уэ пхуэдэ цIыхухей абдеж
       къытхэтым,
Тхьэм нэхъ щIэхыу дызэхихынущ.

Дыхъуауэ дадэ дызэхуэзэну,
Ди пщIыхь къыхэхуэуэ щытакъым,
И нэфI Тхьэ лъапIэм дыхэмыным -
Иджыри щыIэнщ - гуфIэгъуэ Iэнэ.

Зы махуэкIэ упсэу зэрымыхъунум,
Дэ кхытщыщIар щхьэт тохъуэ,
ЛIыфIыпIэ зидгъэхуэну зыр зым
       дыщыхуилъам,
Дихъуну тщIэртэкъым - зэблагъэ.