Молитва после Акафиста Святой Пасхи

               
 «О, Священнейший и Величайший Свете Христе, Воссиявший всему миру паче солнца в
  Воскресении Твоем! В сей пресветлый и преславный и спасительный день Святой
  Пасхи, ликуют все ангелы на небес и и всяка тварь веселится и радуется на
  земли и всякое дыхание прославляет Тебя, Творца своего. Днесь отверзшаяся
  райские врата, и освободились  умершие во ад сошествием Твоим. Ныне вся
  исполнившаяся света, небо же земля и преисподняя. Да придёт убо Твой свет и в
  наши мрачные души и сердца и да просветит нашу тамо сущую нощь греха, да и мы
  сиять будем светом правды и чистоты в пресветлые дни Воскресения Твоего, яко
  же новая тварь о Тебе. И так просвещённые Тобою изыдем священности во
  сретении Твое, исходящему Тебе из гроба, яко Жениху. И яко возвеселил еси в
  пресветлый день сей явлением Своим святых дев зело заутра с миры ко гробу
  Твоему пришедших, так и ныне просвети нощь глубокую страстей наших и воз сияй
  нам утро бесстрастия и чистоты, да узрим Тебя сердечными очесы красного паче
  солнца Жениха своего и да услышим паки вожделенный глас Твой: Радуйтесь! И
  так вкусивши Божественные радости Святой Пасхи еще здесь на земли, да будем
  причастницы Твоей вечной и великой Пасхи на небесах в невечернем дни Царствия
  Твоего, идеже будет веселие неизреченное и празднующих глас непрестанный и
  неизреченная сладость зрящих Лица Твоего доброту неизреченную. Ты бо есть
  Истинный свет просвещая и освещая всяческая, Христе Боже наш, и Тебе слава
  подобает во веки веков. Аминь».