(Пераклад на беларускую мову верша Актавіё Паса "Nocturno")
Цень, дрыжачая плынь галасоў.
Цягне чарнота ракі мармуру абломкі.
Як мне паклікаць паветра забітае,
Словы сірочыя,
Як мне паклікаці сон?
Цень, дрыжачы харал галасоў.
Чорны ланцуг развуглёных лілеяў.
Зоры, імёны, — як мне паклікаць, —
Флейтаў птушыных накцюрны
І абеліск цішыні?
Цень, дрыжачы ланцуг галасоў,
Статуі рушацца з поўні.
Як мне паклікаць, камеля,
Немаўля сярод кветак дарослых,
Як мне паклікаць празрыстасьць сімэтрый?
Як паклікаць, о Сон, цішыню тваю ўголас?
Накцюрн
© Copyright: Никита Стати, 2022
Свидетельство о публикации №122042304451
Свидетельство о публикации №122042304451
Рецензии