***
Сёння судзілі Ісуса і… укрыжавалі,
Сёння настала Хрыстова крыжовая смерць.
З сумам гляджу ў вечаровыя шэрыя далі
І не памерці хачу, а хачу так глядзець…
Сёння судзілі Ісуса, бо не зразумелі
Слоў Яго ясных заўчасных, збавіцельных слоў.
Укрыжаваць не злачынца, Яго захацелі.
Сёння памёр не Ісус, а памерла Любоў.
З сумам гляджу ў вечаровыя шэрыя далі
І не памерці хачу, а хачу напісаць,
Як асудзілі Ісуса і... укрыжавалі…
Могуць і сёння за гэткае ж укрыжаваць.
22 красавіка 2022 г., Вялікая пятніца.
Сёння судзiлi Iсуса i укрыжавалi...
© Copyright: Юрий Боровицкий, 2022
Свидетельство о публикации №122042207123
Свидетельство о публикации №122042207123
Рецензии