Кlан я заз зи хайи Ватан,
Гьар са нямет заз багъишай.
Багьа я заз там , багъ, бустан,
Недай суьрсет заз битмишай..
Дагъларини кьакьан тир тик,
Багъишна заз михьи гьава.
Къужахда кьаз , ийиз чан - рикl,
Чили гана заз гьар майва.
Вирт/едилай я хьи ширин,
Зи ватандин къайи ядни.
Тарифдачни за ,,Каспидин"?
Чилин винел тунвай адни.
Берекатлу зи хайи чил,
Тlебиатдин язва девлет.
Хазинадин авач тум -кьил.
Къванцизни кваз ава къимет.
Зи хайи чил, зи Дагъустан,
Зи рикlин шагь дамар я вун!
Дамахда за вал зи Ватан,
Тlварцlел жуван,- Дагъви я зун!
10.02.2022
Зи хайи чил, зи Дагъустан
© Copyright: Фатимат Османова, 2022
Свидетельство о публикации №122040106781
Свидетельство о публикации №122040106781
Рецензии